سر شباب بشرتي ونضارتها ، د. جنة خداده
سر شباب اي بشرة و شي ثابت بروتين العناية الليلية
اللي متابعيني على سناب يعرفون انه دايما هالشي بعنايتي ثابت الديفيرين جل و احطه ثلاث مرات بالاسبوع و دايما اقول انه سر من اسرار شباب بشرتي و تلقونه متوفر بوزارة الصحة في المراكز الصحية لدى اقسام الجلدية بالمجان .
طيب ليش الديفيرين ممتاز ؟!؟!؟! .
الديفيرين هو من مشتقات فيتامين A فيعتبر مقشر رائع للبشرة و هو مثبت كذلك في فعاليته في التخلص من التجاعيد ببداياتها و يحد من ظهور غيرها فيحافظ على شباب البشرة من الاخر رهيب لكن ندير بالنا ما ينفع للحامل و المرضع ❌❌❌❌و لازم تكملون البوست لانه في شرح لكم عنه بالتفصيل .
انواع الديفيرين:
- ديفيرين جل :
اللي استخدمه مو الكل يتحمله و يصلح للبشرة الدهنية و المختلطة اكثر
- ديفيرين كريم
نفس الجل بس اخف عالبشرة و اقل قوة فيصلح لجميع البشرات .
طريقة الاستخدام
طريقتي ثلاث مرات بالاسبوع لمدة ٤-٦ اشهر تقريبا بس اوقفه شهر او شهرين بالنصينحط ليلا قبل النوم عشان ما تتحسس البشرة من الاضاءه نقطة بطرف الاصبع و توزع على كامل الوجه و الرقبه بعيد عن حوالين الفم و حوالين العين مباشرة يعني نوخر عالاقل سنتي و اجناب العين ممكن تحطونه بس مو الكل يتحمله للامانة فالافضل تبعدونه عن حوالين العين عن نفسي تتحمله بشرتي بس غير قد ما يتحمله
طبيعي 🤔🤔
- انه البعض اذا بشراتهم من البداية تعبانة راح تحبب و تطلع الحبوب من تحت الجلد بس بعدها راح تقل و اذا ما قلت توقفه و تستشير طبيب عشان يعالجها - طبيعي الاحمرار او التقشر و اذا صار قوي نوقف جم يوم و نرد عليه
و اثناء التوقيف نرطب بالبيبانثين الازرق و نتدرج بوضعه يعني اول يوم ساعتين مثلا و انشيله و بعدها نزيد عدد الساعات لغاية ما تقدرون تنامون فيه هذي الطريقة الصح 😍😍😍😍 .
الشي هذا ثابت بعنايتي الليلية من سنين عمري ما غيرته اغير بالسيرومات نعم بس هذا لا لانه من احس المقشرات و اما بقية الايام شحط راح اخصص بوست للمقشرات الاخرى اللي احطها بباقي ايام الاسبوع .
اتمنى استفدتوا بالموضوع و متابعيني الجدد حياكم الله اذا طافكم هالموضوع ردينا شرحنا لكم .
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق