كونسيلير صافي و متجانس بخطوات بسيطه ، د. جنة خداده
كونسيلير صافي و متجانس بخطوات بسيطه
اول شي لازم تعرفونه انه منطقة حوالين العين تحتاج عنايه خاصه يعني مو بس هالخطوات اللي مهمه قبل الكونسيلير في اشياء بالعنايه اليوميه جدا تعتبر مهمه احطها عالسناب دايما و الحين بحط لكم خطوات وضع الكونسيلير بدون ما يصير فيه خطوط و شلون يصير متجانس و مرتب تحت العين
و حطيت لكم هالشي لاني على اتم الدرايه انه هالمنطقه جدا حساسه و معرضه حق الجفاف و بسرعه تمتص المرطبات و الجلد فيها رقيق فعشان جذي رتبت لكم الخطوات ببساطه بنات :
١- لازم تتاكدين انه المنطقه حوالين العين نطيفه و ما فيها اي بقايا ماسكرا او حتى شدو و مكياج لازم تنظفينها
٢- وضع مرطب مخصص لمنطقة حوالين العين اي مرطب يناسب بشرتكم و متعودين عليه و بعده على طول مسحه من كريم الحماية من الشمس بعدها ما تنطرين و تروحين حق باقي الوجه لا لازم ما تنطرين من تحطين المرطب والحماية مدة اكثر من نص دقيقة تقريبا او دقيقة بالكثير
٣- قبل لا ينشف المرطب و الحماية بالكامل نحط الكونسيلير و نخليه نفس الشي بين نص الى دقيقة عشان يمسك و تحته المرطب و الحماية
٤- بعدها ما ادمج الكونسيلير بالفرد و لكن بالطبطبه بالبيوتي بلندر بنات الفرد راح يخلي الون مو متجانس مع البشره و نقطه مهمه لا تزيدين من كمية الكونسيلير او تحطين مرتين ورى بعض راح يطع سيء حيل بنات .
الخلاصه :
عشان تصير التغطية تحت العين خياليه لازم بين الترطيب و وضع الكونسيلير مده لا تزيد عن دقيقة و بين وضع الكونسيلير و الطبطبه مده بعد لا تزيد عن دقيقه ليش ؟!؟!لانه اغلب المشكلات بالفرد تصير من جفاف المنطقة اما لانكم ما رطبتوها عدل او انكم حطيتوا الترطيب و جف لانه خليتوه فتره طويله فلازم الخطوات ورى بعض و اخيرا لا تنسون طبطبه و ليس مسح او فرد اتمنى استفدتوا من هالمعلومة 🙈🙈🙈🙈
❤️❤️❤️❤️ .
.
د.جوووووج
قد يهمك أيضا
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق