تغيير منتجات البشرة كل فترة - مفيد للبعض وغير مفيد للبعض - د جنة خداده
نعم لتغيير منتجات البشرة بين فترة و أخرى : .
✅✅ نعم مع التغيير و التنوع بين المنتجات بين فتره و فتره :
١- لاني اطبق هالشي و فادني حييل وحتى الثوابت ما اطول فيها اكثرمن ٦ اشهر فادخل شي معين و استبدلها بشي مشابه بالتركيبه و لكن من براند اخر
٢- السيرومات اللي دايما اغيرها اللي تدخل بروتين العناية سواء الليليه او النهارية خاصة قبل المكياج عادة كل ثلاث اشهر او شهرين اغير من منتج لي منتج من نفس البراند او استخدم براند مختلف تماما و التغيير مو غلط بالعكس قد تتعرفون عن منتج افضل ويناسب بشرتكم اكثر
ولان السيرومات تركيباتها غير متطابقه و هالاختلاف قد يكون في صالح البشرة و خاصة اذا اخترتوا صح اما اذا غيرتوا و كان الاختيار غير مناسب يا اما توقفونه و تردون عالقديم او تجربون شي مختلف غيره و هالشي نادرا ما يصير الا اذا كنتوا ما تنتقون المناسب لكم و دايما عن نفسي اشرح بالسناب عن امثله حلوه و ممتازه لكل البشرات على حده
٣- كذلك ما يصير يعجبكم برانداو كريم معين منه و تظلون عليه سنين وحاجات البشرة تختلف على مر السنين وعمركم بالعشرينات مو مثل عمركم بالثلاثينات اوبالاربعينات وهكذا والتونع بالتركيبات حق كل عمر في صالح البشرة و ارد اقول اذا الاختيارات صح .
٤- مثال اذا في سيروم ناسب بشرتكم من الهايلورونيك اسيد و حلو و اعتادت عليه البشرة و لاحظتي مع الوقت ان ماعاد المفعول المطلوب لازم تصدقين احساسج و غيري على شي اخر من براند مختلف فيه الهايلورونيك اسيد بس قد يكون بتركيبات معاه افضل من السابق و تحبه البشرة اكثر فمو غلط انكم تغيرون بين فتره و فتره باختيارات حلوه فيها نفس التركيبات الاساسية بس التوكيبات بكل سيروم بالاضافه للاساسية فيه معاها وايد امور تختلف باختلاف البراند و هالاختلاف حلو لان يميز كل براند عن الاخر .
🙏🏼🙏🏼 الان انيي للفئه اللي افضل ماتغير :
١- قليلة جدا و هم من ضمن المراهقات تحت عمر العشرين اللي توها غسول و حمايه و سيروم سي اذا بشرتها مرتاحه عليهم
٢- البشرات الحساسة و اللي تعبت على ما لقت شي مناسب ختظل على منتجاتها حتى لوفترة طويلة واذا بتغير تسأل طبيب مختص و خاصة اذا عندهم حب شباب او وردية او غيرها
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق