المسامات الواسعة اسباب وحلول بسيطه . د جنة خداده
🤔🤔🤔🤔 مسامات البشرة 🤔🤔🤔🤔
الحلول ؟!؟!
تعتبر المسامات من المشكلات الشائعة عند كثير من البنات او الشباب على حد سواء بس البنات يضايقون منها حيل خاصة لما ايون يحطون فاونديشين لانه عندهم المسامات الواسعة تصير واضحة و تخرب شكل البشرة 😞😫😞😫
بس شالحل ؟!؟!
بختصر الحلول لكم ب٣ نقاط بسيطة بس مهمة :
١- المشكلة مالت المسامات تصير غالبا عند اللي بشراتهم دهنية او مختلطة لذلك يجب مراعاة استخدام غسول يومي لتخليص البشرة من الدهون الزايدة .
٢- استخدام كريمات تقشير تقلص من المسامات الواسعة مثل كريمات الرتن A : متكلمة عليهم قبل منهم الديفيرين و الاقوى منه عالبشره الاكرتين ممتازين و متوفرين بوزارة الصحة لدى اقسام الجلدية بالمجان و رخيصين بره بس يحتاجون وصفة عشان تشترونهم و لهم طريقة استخدام تدريجيه من حيث الكمية و التركيز عشان لا يهيجون البشرة و تصير حمرة و تحرقكم متكلمة من قبل بالتفصيل و الاهم ينحطون بليل بعيد عن حوالين الفم و حوالين العين مباشرة 👍🏻👍🏻👍🏻👍🏻
٣- تقنية المايكرونيديلينق و هي عبارة عن ابر صغيرة تخترق البشرة و تحفز الكولاجين و تعمل مع الاستمرار عليها بتضييق المسام منها ااستخدام الديرمارولار المنزلية الرائعة "رابط المنتج من أمازون"
اعشقها فعلا بشرتي تعدلت حيل من استخدمتها بس تحتاج استمرارية بنات و مهم تعرفون انه باليوم اللي بتستخدمين فيه الديرمارولار لازم توقفين كريمات التقشير الديفيرين و الاكرتين يومين الى اربع ايام عالاقل قبل و بعد و اما عن طريقتها متطرقتلها بالتفصيل من قبل
و الشي الاخر بالعيادات و هو الديرمابن قد تساهم في حل جزء كبير من المشكلة و حطوا تحت قد مليون خط لاني اعني فيها انه في البعض يستفيد و البعض ما يستفيد يعتمد عن كل واحد و بشرته و الخيارات اللي قد تساهم في حل المشكلة مالت المسامات الديرمابن و الليزرالكربوني .
مهم قبل لا تبتدون باي شي انه تعرفون مشكلة المسامات ماصارت بيوم و ليلة عشان جذي علاجها ما يصير بيوم و ليله و لكن لها حلول و هذه الحلول فعالة يا متابعاتي الراقيات و اتمنى استفدتوا من الموضوع 😍😍😍😍
.
.
د.جوووووج
منشنوووووا اللي بشرتها فيها مسام و تصير منقطة مع الفاونديشين عشان تستفيد 😍😍😍😍
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق