طريقتي في ازالة شعر الوجه في المنزل - دكتوره جنه
طريقتي الشخصية في ازالة شعر الوجه في المنزل - دكتوره جنه
إزالة شعر الوجه منزلياً للبنات
قبل لا نبدي : مهم جدا تعرفون ان هذي الطرق اللي بذكرها انتو كبنات مو مجبورين تسوونها .. و لكن هذا رايي فيها و ياريت بعد تشوفون اجابات البنات المشاركين تحت سؤال الخميس قد تفيدكم ❤️🙏🏼
رايي الان و حتى من قبل لا تغلق الصالونات هو كالاتي و ماراح احط الليزر لانه اهوا الاختيار الاول و ممتاز فقط عند العيادات اللي تعرف تستخدم نوع الليزر و قوته لشعر الوجه لانه تختلف عن شعر الجسم اكيد و لكن بنذكر الطرق التقليدية و ماهي افضل طريقة تستخدم بالمنزل لازالة شعر الوجه .. تمام ؟!
١- الامواس او شفرات الحلاقة 🪒🪒
هي من افضل الطرق و اسهلها و لاحظوا بالصورة في انواع و اشكال و ألوان و في 1️⃣العريضة بشفرتين و في 2️⃣ الضعيفه بشفره وحده و بالنهاية هي امواس و شوفوا اللي اسهل لكم بالاستخدام و نصايح في استخدامهااولا: يجب ان تكون ايدكم خفيفة عالبشرة عشان ما تجرحونها
و ثانيا : شيلوا المناطق فقط اللي بالاساس فيها كثافة شعرية و اعتدتوا انكم تشيلونها و ماله داعي حتى الشعر الخفيف جدا ينشال سواء بالموس او بأي طريقة اخرى
ثالثا: الشفره تستخدم لمره واحده و يفضل ان ترمى بعدها انظف 👍🏼👍🏼..
اما عن انها تكثف شعر او تزيده او تسرع من نموه
غير صحيح و لكن عند قلة من الاشخاص قد تغير من طبيعة الشعر و ليست كثافته او عدده و تعتبر طريقة حلوة و ان قررتي بيوم بتسوين ليزر فبتكون من افضل الطرق قبل الليزر هي الامواس ✅😍👍🏼👍🏼 و عشان جذي ينصحونكم ان قبل الليزر تستخدمونهم لانهم افضل الطرق قبلها٢- ثاني اختيار اعتبره جيد
الخيوط اذا كنتوا تعرفون لها مو مشكلة و اذا كنتوا مرتاحين لها و بشرتكم ما تتأثر منها 👍🏼👍🏼٣- اختيارات ما انصح فيها الحلاوة و الشمع
و خاصة الشمع للوجه اللي قد يتسبب باحمرار و من ثم تصبغات و احيانا حروق و دام في طرق اسهل و اخف عالبشرة منه فما يعتبر من الطرق المفضلة غير ان البنات بعد استخدامه تطلع لهم حبوب و بثور و تظل مده و تتسبب لهم بآثار و تصبغات فما اشوفها طريقة مناسبة للامانة ..
سنابي: drj.kh .
.
د.جوووووج .
انتو شرايكم بنات ؟!
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق